Vat die Spoor in Oktober
Lemmer is terug - en dit is net die begin ...
Op ‘n verlate grondpad in Limpopo druk hulle twee kilogram se vlekvrye staal, die reuse Smith & Wesson Model 500, teen Lemmer die lyfwag se kop en vra, “Waar is dit?”
Hy weet nie.
By Phillipi, in die spookagtige lig van agt SAPS-patrollievoertuie, sien Mat Joubert die skaduwees van polisiehonde wat blaffend, stertswaaiend snuffel. Die einde van die soektog na Danie Flint? Of die begin van groter onheil?
Hy weet nie.
Milla Strachan, voormalige huisvrou en ma, weet dinge. Van Moslem-militante, van georganiseerde misdaad, van die skaduwêreld van smokkelhandel. Maar van die bloedspoor wat dit deur haar lewe sal trap, is sy nog salig onbewus.
Jongste nuus
Jakhalsdans: DVD nou beskikbaar
Nadat dié Afrikaanse fliek rekords by die loket laat spat het, is dit nou landwyd op DVD beskikbaar. (Bestel joune gerus by Kalahari - of kry hier 'n voorsmakie.
"Dit is nie op enige van my boeke gebaseer nie, maar ‘n oorspronklike teks, 'n romantiese komedie," sê Deon. Oscar-genomineerde regisseur Darrel James Roodt is die regisseur. Die hoofspelers is onder meer Theuns Jordaan, Neil Sandilands, Elizma Theron en Christina Storm.
Foto-galery
Gaan loer gerus na die foto-galery van onlangse nuusgebeure in die Engelse deel van dié webwerf. ("Ons sou dit graag tweetalig wou aanbied, maar werksdruk en ruimtebeperking maak dit onmoontlik," sê die webmeester.)
Deon kry PanSat-toekenning
Op 20 Februarie is Deon vereer met die Pan-Suid-Afrikaanse Taalraad (Pansat) se 2010-veeltaligheidstoekenning in die afdeling vir taal, geskrewe en mondelingse letterkunde. Ook op die kortlys was André P. Brink en Antjie Krog. Pansat het ook toekennings in verskeie ander afdelings gemaak.
Jy kan 'n kind se lewe verander
In die regte Karoodorpie waar Lemmer (protagonis van 'Onsigbaar') bly, is 'n projek aan die gang om kinders se lewens te verander - en jou bydrae sal 'n reuse-verskil maak.
Deon ondersteun die 'Ek Lewe Trust' - en doen 'n beroep op jou om dieselfde te doen.
Besoek assebleif die Trust se webwerf vir besonderhede.
'13 Uur' wen ATKV-prys ...
... en filmregte ook opgeraap
'13 Uur' het pas die ATKV se prys vir spanningslektuur verower, nadat dit ook in April die eerste wenner in die nuwe fliekkategorie van die M-Net Literêre pryse was.
Die filmregte van '13 Uur' is in Augustus toegeken aan 'n Suid-Afrikaanse rolprentspan in Londen, Malcolm Kohll and Robert Fig. Legendariese regisseur Roger Spottiswoode (Under Fire, Tomorrow Never Dies, Shake Hands with the Devil) sal die regie hanteer.